美少女戦士セーラームーン20周年 DIY潤唇膏變身鏡盒扭蛋

今年美少女戦士セーラームーン20周年，

推出大量玩具、精品、化妝品，

但我一樣都唔捨得買，因為炒價實在貴得誇張！

相信不少人都和我一樣忍手了，

不過想擁有美少女戰士化妝品，

想不一定要買官方推出的鏡盒，

我有一個DIY的平價版，睇下你又用唔用得著！

我用$24抽咗個變身鏡盒仔扭蛋，

這是官方圖片，雖然只售$24，但也相當精美啊！

大家當然也可自行購買指定款式。

首先我會用一個金屬容器，湯匙或者小鐵罐都可以的，

然後把適量的凡士林及自己喜歡的唇膏放到容器當中，

再加熱把兩者溶化混合，即可製成獨一無二、屬於你自己的的有色潤唇膏。

再將溶夜小心倒入經過消毒的扭蛋鏡盒入，

等到凝結之後就可以帶出街用喇，

啦啦啦好開心好實用呀～啦啦啦～♫

***

去韓國拍美美證件相

上次赴韓公幹，

最後一日Check out後等上機無無聊聊，

就用盡最後幾小時去梨花女子大學一帶逛逛。

梨大的服飾一般都比較少女系，

所以都無咩揀得啱，

咁橋經過一間影相館，

心血來潮就去影個證件相啦！

雖然可以預約，但一般Walk in都無問題

加上當日係閒日，所以入到去唔需要等就直接影得！

唔記得影Setting，我印象中係正面同兩側都有燈，

下巴位有反光板，所以皮膚影出嚟又白又粉嫩，

韓國攝影師會協助你擰啱角度，

如果係遊客，會指手劃腳溝通，好易就會做到攝影師要求。

大約影5﹣10張就OK，

基本上同香港的程序差不多，

唯一唔同就係會PS (Photoshop修圖)喇，

喺韓國，影學生相、見工證件相都係會幫你瘋狂PS，

攝影師大約需要10分鐘時間執相，

你可以主動要求點執，或者由佢幫你決定，

你睇我執完雙眼水汪汪，而且面部看起來更加對稱，

雖然美化得太多，er.....都勉勉強強過到關嘅。

價錢係15000won / 12張，

有2種大細size，你仲可以email或用USB save返香港再曬相！

以咁多服務嚟講價錢唔算貴啦，

不過呢D靚相都係自己收藏居多，

最多都係貼吓學生手冊，

用嚟見工或者做證件，小心老細認唔到你呀。

純粹經過自費，不含廣告，

有興趣可看網址 http://www.dooraestudio.com

其實呢類攝影studio一街都係，

可以自行選擇。

***

自購非廣告: 正負評參半 STEVE MADDEN 高跟鞋

首先申報先，嗱，呢個Brand絕對同我無瓜無葛，

我自費幾年，而佢亦無俾過任何好處我，

所以以下內容純個人感受，清清白白。

我仲記得，當年同一個好有品味嘅女同學行街，係行海港城，

嗰陣我仲係著converse，佢係High heels女皇，

行過STEVE MADDEN佢講咗句:「STEVE MADDEN D鞋真係好夠高好靚。」

當時我同佢都無買到，但呢句說話我一直都有記住。

2012年尾，

有次因為宴會要買對似樣D嘅鞋，就入咗去睇，

我記得嗰對鞋都要$1300，又真係著得對腳幾修長，

但係勁難著！著一次，對腳就損一次！

後來唔信邪又買咗對Platform，好鬼靚仲幾好著，

又不過鞋底離奇地無坑紋，

有次無唯意落雨著，跣到我七個一皮！

又咁講，如果鍾意高，STEVE MADDEN真係夠晒高，

著上去充滿自信，出event或者唔需要劇烈走動嘅場合，

影相效果確實不錯，但要行要企就唔好喇。

否則盞辛苦自己！呢個就係尋日著住行街嘅後果。

所以推介度就50 50啦，款靚嘅，又好襯，

只係實在太高同埋好難行，暫時真係買唔到一對係行得舒服，

買定唔買，就真係睇你要求。

不！過！有！個！超！級！重！點！

就係記得唔好原價買，事關呢間嘢成日失驚無神大減價，

上個月過千嘅鞋款，可以減到$299一對！

仲要加$99多一對！衰到無人有！分分旺中都唔夠佢平！

簡單D講，就係唔好咁傻買正價鞋呀。

呢個就係我成日死死地氣又買返佢嘅原因，

好似做人咁，可能有D嘢唔夠好，但總有D位又令你死心塌地，

係咁㗎喇。

***

美味燒蕃茄 好易整!

上星期日見老麥非常旺場，

所以轉場去Burger King食早餐，

見到價格差唔多，但份量同誠意都比老麥令人滿意，

當中Burger King版早晨全餐入面，更加出現一片厚厚的燒蕃茄！

你話好好食咩？其實唔算，

但$30我只係期望食到加工肉，

入面有新鮮蕃茄仲要燶邊真係有少少感動！

呢個星期，念念不忘，

雪櫃又剛好食剩最後一個蕃茄，

不如自己親手炮製。

【燒蕃茄】
1. 蕃茄切厚片
2. 焗盤上抹一點牛油，也可以用光波爐或平底鑊
3. 放上厚片蕃茄，焗15分鐘
4. 就咁燒焦
5. 加少少鹽、黑椒調味，加小塊水牛芝士更好味

*重點

由於切得厚，蕃茄本身又無咩味，

記得都要加返咁上下多鹽先夠味，

如果有芝士一定係最惹味啦！

如果無芝士，BB仔沙律醬都係好夾。

女仔食晒一個都夠飽，健康、簡單、素食，

平日食得外賣多，多肉少菜，趁假期自己煮，食清D，都唔錯㗎。

***

超Work! DIY「陰陽水」天然排毒去宿便

每隔一排，Facebook就會瘋傳以下這條Link。
http://www.getjoys.com/3/28804/教你一招早晨清腸除口臭色斑小腹宋美齡女士.html

內容及原理，大家可以Click進去看看詳情，
而我就親身試了一星期，
更早於第一天的3小時內已經見效！

當然啦，每個方法、產品都一樣，
沒有絕對的成功或不成功，
始終人人的體質與生活習慣都不一樣，
所以我也不能保證這個在每個人身上也可發揮作用，
但好消息是，這方法幾乎都不用錢，
即使沒有明顯效果也沒有損失啦！
因此我鼓勵各位可以放心一試。

我的做法是這樣的，
早上一覺醒來，先到廚房拿出大水杯，
倒入一半過夜水，再倒入一半剛煲滾的水，
然後加約一茶匙的鹽(一般餐桌鹽就好，下星期試試用海鹽)
最後站著，大口大口喝下去，
我個人經驗，喝罷約3﹣5小時內就會有便意，
沒有肚痛感覺，正常換衫梳洗，回到公司時間剛剛好。

現在我每天早上都會這樣喝一大杯，
由隔天才能上廁所，變成每天都OK！
而狀態都是理想、健康的，(即非腹瀉或小石頭狀態)
希望這個能幫助有此煩惱的網友們！
***