便宜方便易煮有營養的減肥聖品

減肥減肥減減肥！

這個話題可以講半個世紀都不會厭

相信係人都對我的「的起心肝」減肥宣言悶到打喊露，

不過長氣還長氣，夏天將至，不得不努力衝刺，否則一換季就肥肉盡現。

正當大家減到無希望之際，我宣佈：

我找到便宜方便易煮有營養的減肥聖品喇！

就是你我都認識的桂格燕麥片！

發佈文章

我知道我明白，你怕麥皮杰撻撻又清淡呀嘛，

事實上燕麥又何止得水煮加奶一個食法，

只要加少少創意，一樣可以好吃又滋味，

最緊要絕對夠飽肚，因為高纖維膳食能提升飽肚感，

加上含有豐富的膳食纖維， 可保持腸道暢通，令身體廢物不易積聚，

雙管齊下自然能keep fit！ 一碗燕麥片只有130卡路里，

配合均衡飲食，用以取代平日的高脂餐點，可減低卡路里攝取量

要知道減少攝取3500卡路里 = 1磅脂肪！減肥效果一流永遠是大前提。

日前參加了桂格的Blogger烹調班(不是烹調Blogger，是烹調燕麥啦！)

星級靚仔營養師Leslie傳授一系到創意食譜，

喜歡靚仔又想減肥的我當然份外留心，緊記了每一個步驟，

今日就和大家分享其中一個好味新煮意吧！

燕麥胡蘿蔔豆腐黃金餅（四人份量）

材料：

• 桂格原片大燕麥 6湯匙
• 硬豆腐 2塊
• 胡蘿蔔（細） 1個
• 植物油 1湯匙
• 盬 適量（調味）
• 胡椒粉 適量（調味）

首先胡蘿蔔洗淨去皮，切碎備用

硬豆腐用清水沖淨，以抹手紙吸幹水份，壓成豆腐茸備用

胡蘿蔔碎及豆腐茸伴勻，加入調味料及桂格原片大燕麥，用手將材料弄成圓形小餅。

在平底不粘中放入植物油把燕麥胡蘿蔔豆腐餅煎至金黃色即可

看吧看吧！簡單到極，一點都不難做

即使不算煮飯能手的我都能輕易完成！

優質燕麥口感獨特，較普通燕麥更煙韌滋味，

而且它不但可以管理體重，更可強心，

根據美國食品及藥物管理局 (FDA)的資料，

只要每日攝取3克燕麥水溶性纖維 (即70克；約半杯燕麥片)，

配合低飽和脂肪低膽固醇膳食就可促進心臟健康，多食絕對有益！

不夠飽？以燕麥代替白米，加上生菜、雞絲及粟米

煮成口感清新的燕麥粥，既香甜可口，又可吸收足夠纖維，

我最愛這種形態的湯／粥，當天吃了一大碗！

活動後不自覺常常想著如何用燕麥配合自己喜愛的食材

烹調出不同口味的佳餚，已經有些頭緒，下次拍片示範，一齊邊睇邊煮邊減！
現在先看看當日同桌的著名Blogger石先生所拍的短片吧！（反正我有出鏡 :P）

祝各位減重(磅數)快落！

***