2011年7月31日

獨門慳家法:8招教你用盡一塊Mask及令其更吸收


哇!經Din媽一語道破,
我都諗一諗,唔...確實有一段時間沒有出過自家原創文了,
近來都只專注不斷做product review,
其實內心深深處真的好想多分享自己發明的方法,
這樣才是我的風格,也是我存在的意義嘛!
只可惜光陰似箭,我盡量啦下...
不過難得有團火,坐言起行,
今日就分享一下我獨門的度縮慳妹系列 之 如何用量一塊Mask及令其更吸收!
到底怎樣才能用盡每一塊Mask、每一滴精華?
要做哪些步驟方能使皮膚更易吸收,發揮最大功效?
今篇絕對實用,阿B回歸了。







Well,人生總帶點唏噓與無奈,
任我幾想做自己獨創文章都好,都總要介紹下d新product,
不過如果真係好用,我一定強推,
從字裡行間你自自然然會感受到我既熱情一推,
所以,放心,我都仲識中肯品評,我地都係入正題啦!


自早前看過中醫錢太之後,
對中醫學有很大的興趣,
另外身邊有朋友都是讀中醫課程出身,
經常給予我們有關食療及養生等極具參考價值的意見,
不過你知啦,一來煲燉煮對我們這些嬌生港女來說難度實在太高,
到有時間有能力煮時,又未必頂得住中醫食材的濃郁藥材味,
想靠矜貴藥材滋養一下乾到裂的皮膚,
莫非真的要鍊住個鼻頂硬上?



睇圖都明晒我嗡一大餐之後想帶出d咩啦,
無錯!最近連近200年歷史的殿堂中醫藥品牌﹣﹣北京同仁堂
都推出了「名貴本草醫學」面膜系列,
利用多年來對宮廷帝王妃嬪的駐顔護膚經驗,
結合傳統醫學及嶄新技術,製成無女人不愛的面膜,
只看經驗,北京同仁堂的面膜已經不能夠與坊間的那些中藥面膜相題並論了。


此系列乃針對香港女士肌膚獨特需要而製,
一般港女夜訓、食無定時、減肥減到肉又無血又無,
所以「名貴本草醫學」面膜系列精選四項材料包括:
阿膠、人參、珍珠及燕窩,藉著四款珍貴宮廷藥材,
達致通行經絡、走氣入血之效,
不單可以做到一般面膜的吸收,
更能去除皮膚表面的毒素,由內靚到出皮膚表面。

好,講足半日都未開波,馬上分享第一式:

1」用砂糖及面膜精華液DIY磨砂去角質

要吸收,絕對要先去除老化舊角質,
一般我們會用磨砂膏、去角質啫喱,
但我們其實可選擇更經濟的方法!
就是用平價的砂糖與Mask包裝袋中的精華液!
首先我會用袋中約一茶匙的精華液,
混合砂糖,輕輕打圈按摩全臉,
連雙唇都可以按的,這樣可以去死皮,
咀會嘟一點、紅潤一點,
上唇妝也會較貼服且不易起白色死皮!
但記得力度要輕,否則會傷害幼嫩的肌膚,
尤其有暗瘡或敏感肌更要小心,切忌大力!
按約1分鐘之後用水清洗乾淨,皮膚就會很光滑,
這是因為砂糖帶走角質,同時精華液打圈被按進皮膚裡去的效果。


2」剪下敷眼的多餘位置去充當唇膜

接下來當然就要敷上這片「名貴本草醫學」面膜,
今日使用的是阿膠面膜,
坊間絕少看見利用於本草綱目被譽為聖藥的阿膠去製Mask,
所以感到十分新奇有趣!
阿膠有補血止血之用,精華中含大量膠原蛋白,眾所周知能保濕抗氧,
而且這是極性基團類的Collagen, 可直接滲入肌膚,
阻截黑色素形成,更可促進新陳代謝,皺紋都少幾條。

打開後,與一般Paper Mask無異,
布質,有刀線確保能貼合不同面型,貼面度普普通通,
但人中位造得比正常Mask大塊,值得一讚,
總之,能包覆整張臉就是了,
另外,眼的位置同樣有兩塊供大家敷眼蓋的部份,
但據我及身邊朋友的經驗,相信大家都很少會用到這兩塊,
正常要等20分鐘,都會上上網,追追劇集,沒有人會敷著雙眼,
既然如此,不如物盡其用,剪下來敷於雙唇!

另一塊則可以剪開一半成為兩條,
敷於鼻旁,正常Mask都不能覆蓋此部位,
利用眼位的多餘部份就可以令全臉受惠了。


3」熱毛巾令精華直迫入底!

這方法就不算稀奇了,
不過未必人人知,人人做,
就借此文章分享一下,
敷上面膜後,你可以用熱毛巾蓋於Mask上30秒,
作用是令毛孔擴張,叫毛孔張開口大吸精華!


4」保鮮紙阻截養份水份流失


之後再用保鮮紙包覆於面上,
使Mask上的精華不會被空氣抽乾帶走,得以保存,
怕被整張保鮮膜蓋著呼吸不了?
傻豬,分兩三張蓋上,記得留下鼻孔位及眼位呀!



5」不浪費包裝中精華,塗於頸、手、腳、身體


北京同仁堂這款Mask吸收程度極高,
而且用料上乘獨特,當然不要放過,
珍惜每一滴精華,塗於身體各處作修護滋潤,
這個阿膠Mask最適合缺水皮膚,
用後滑嘟嘟。



6」利用雙手溫度加強吸收

利用雙手暖暖體溫,包覆著臉,
令精華可以深入底層。



7」將面膜布打圈除手腳角質
30分鐘後即可撕下面膜,
之後可以將面膜布摺起,
打圈按摩手腳等角質容易積聚的位置,
用後立即Feel到水水潤潤。


8」面膜充當洗掃布?

最後都將Mask用到盡,
用來清潔化妝掃,
當中我最愛用來洗眼線掃,
因為Gel liner很難清洗,
用Mask先清潔一下,不但容易去除掃上的污垢,
之後再洗也方便得多,
Shampoo或洗掃劑用量也可大大節省,
所以別輕易丟棄用完的Mask呀!



這個北京同仁堂「名貴本草醫學」面膜系列中,
我最愛珍珠及阿膠Mask,
珍珠可帶來好氣息之餘其實可以軟化角質及預防暗瘡形成,
所以一般我會先敷珍珠清除角質,調理皮膚,
之後再用阿膠Mask注水注養,皮膚就會變得充滿活力!
大家可以看見我的毛孔被收得更細緻,
面色相當均勻,嫩白有光采,
最明顯的分別是從前拍化妝短片要Show Before & After,
Before的那個我必定面容枯槁,沒有自信,
但今次的影片是全素顏上陣呢!眼圈暗啞都消失了,
就像塗了粉底一樣,透出光澤,
如今我都認同,我的皮膚太好了!





敷後簡單塗上Skincare即可,
打圈幫助皮膚血液循環,
之後好好睡一覺吧!
吃得好、睡得好,比所有名貴護膚品來得有效呀。
***













































5 則留言:

  1. 用精華液來做磨砂~~真的沒有想過呢!
    創意果然無限!

    回覆刪除
  2. 精華液+砂糖做磨沙...
    會唔會吸返D污糟野入去咖?!
    手爭又可唔可以咁磨法?!

    回覆刪除
  3. Mos, 絕對可以磨其他部位,
    但之前當然要落晒妝洗好面,
    我平日都係咁樣peel完先敷的! :)

    回覆刪除
  4. 可否推介一下, 有什麼其他牌子既面膜, 可以用導入機(HABA個隻)一起做既呢?

    回覆刪除
  5. Trista, 據我所知,除左含酒精的mask,所有都可以配合HABA機的!我覺得較好用又抵的mask有屈臣氏mask,同埋一隻叫mandom的bb mask,非常見效!

    回覆刪除

Related Posts Plugin for WordPress, Blogger...